INSTRUCTIONAL GUIDE FOR PARENTS AND STUDENTS: for Online, Modular, TV and Radio Broadcasting in the Philippines

"Paalala" 

            Ang kopya na ito ay mula sa ibinabang mga patnubay mula sa Division ng Caloocan City. Hindi po nito nililimatahan ang maaring gawing patnubay ng ibang paaralan o guro. Maaari itong gamiting gabay at batayan sa iyong gagawing pagtalakay ng paghahanda para sa nalalapit na pasukan sa ilalim ng New Normal. Ang kopya na ito ay libre at hindi pag-aari ng ninuman.

National Capital Region
Schools Division Office
Caloocan City

PATNUBAY NG MAG-AARAL

    

I. PAGHAHANDA NG MAG-AARAL:

A. Gumising ng maaga at gawin ang paghahanda sa sarili para sa iyong pakikipag-usap sa iyong guro gamit ang FB messenger.

B. Ayusin ang iyong lugar-aralan sa inyong tahanan, siguraduhing ito ay maayos, komportable at walang magiging sagabal sa iyong pag-aaral.

    Isipin na ikaw ay nasa loob ng ating silid aralan.

C. Ihanda at siguraduhin na nasagutan mo ang mga Gawain sa Modyul at Learner’s Weekly Home Learning Task na may kaugnayan sa paksang inaral upang mas maayos na maitatanong ang mga aralin na hindi natapos.  Nangangailangan ng ibayong paglilinaw mula sa iyong guro para sa mga gawaing hindi naintindihan. Ngunit mangyaring ipaalam ito ng mas maaga sa kaniya upang maiayos ang oras na para sa iyo, sakaling wala pa ang nakalaang araw ng iyong pakikipag-usap sa FB messenger.

Paano Gamitin ang Modyul?

 

           Bago simulan ang gawain sa modyul, kailangang isantabi mo muna ang lahat ng iyong pinagkakaabalahan upang mabigyang-pokus ang iyong gagawing pag-aaral gamit ang modyul na ito. Ang mga nakasaad sa aralin ay makakatulong sa paghubog ng iyong pagkatao, daan upang ikaw ay magkaroon ng tamang pagdedesisyon sa iyong pang-araw–araw na pamumuhay, maging responsible, at produktibong mamamayan na may malasakit sa kalikasan at pagmamahal sa Diyos at bayan.

Basahin ang mga simpleng panuto na nasa ibaba para makamit ang layunin ng bawat aralin.

1. Basahin at unawaing mabuti ang mga panutong nakasaad sa bawat pahina at isulat ang mahahalagang impormasyon sa iyong kwaderno upang mas madali mong matandaan ang mga konsepto na makakatulong sa iyong pagkatuto. Kung may mga katanungan, humingi ng tulong sa magulang, kasama sa bahay o sa iyong guro sa takdang araw na inilaan sa iyong asignatura.

2. Sagutan ang mga gawain at pagsasanay nang buong husay at katapatan.

3. Pag-aralang mabuti ang pangwakas na pagsusulit upang malaman ang antas ng iyong pagkatuto. Ito ang magiging batayan kung may kakailanganin ka pang idagdag na pagsasanay para lalong malinang ang mga kasanayan na dapat malaman at matutuhan.

4. Nawa’y maging masaya at Gabayan ka Nawa ng DIYOS sa iyong pag-aaral.

PATNUBAY NG MAGULANG

1. Paraan ng Paghahatid ng Modyul:

1. Makukuha ang learning packet kalakip ang self-learning module  ( SLM) ayon sa itinalaga ng paaralan, maaaring ito ay sa inyong barangay o sa pinagkasunduang lugar. Sakaling ikaw ay walang panahon, mangyaring ito ay ipakuha sa sino mang nakatatanda na may pahintulot na lumabas sa panahon ng quarantine.

 2. Sakaling may di-inaasahan na pangyayari at hindi nakakuha ng kopya ng modyul maaaring makahingi ng soft copy sa guro kung ikaw ay may sapat na koneksiyon gamit ang FB messenger at ito ay iyong iprint.

 3. Humingi ng tulong sa guro sa mga panahong may mga katanungan ukol sa pag-aaral ng iyong anak, ngunit mangyaring ipaalam ito nang mas maaga upang maiayos ang oras na para sa iyo.

4. Ang self-learning module ay ibabalik ng magulang o sinumang may pahintulot na lumabas, sa paaralan kung saan muli kayong bibigyan ng panibagong modyul na kailangang sagutan.

1. Paghahanda ng magulang/guardian:

 

1. Gisingin ng maaga ang iyong anak, tulungan na maihanda ang kaniyang sarili ng maayos para sa pakikipag-usap sa guro via FB messenger at ikondisyon ang isipan ng BATA na siya ay nasa loob ng silid-aralan.

2. Magtalaga ng isang lugar sa tahanan na magagamit bilang lugar-aralan ng bata at siguraduhin na ito po ay kaaya-aya at komportable. Hinihiling po namin na iwasan ang mga sitwasyon na makakasagabal sa mabisang pag-aaral ng bata.

3. Ihanda at siguraduhin na nasagutan ng mag-aaral ang mga gawain sa modyul at Learner’s Weekly Home Learning Task na may kaugnayan sa paksang inaral upang mas maayos na maitatanong ang mga aralin na nangangailangan ng ibayong paglilinaw mula sa guro. 

1. Pagtatapos ng mga Gawain:

 

1. Ang Parents’ Monitoring Checklist ay ginawa upang masundan ang kalagayan ng pag-aaral ng bata.  Hinihiling po namin na lagyan ng karampatang puna at pahayag ang bawat aralin na di-natapos.

 

2.  TANDAAN, AKO bilang kaniyang guro at IKAW, bilang mga magulang, ay mga kaagapay ng iyong anak sa kaniyang pagkatuto, gawing daan ito upang lalo mong maunawaan ang iyong anak sa kaniyang pagtahak sa paghubog ng kaniyang kaalaman at pagkatao sa darating na panahon.

 

3. MARAMING SALAMAT MAHAL NAMING MAGULANG.