ESP 9 WEEK 1: GAWAIN 2 (MELC BASED)

 Edukasyon sa Pagpapakatao 9

Week 1

Gawain 2

Panuto: Basahin at unawain ang Kuwento

Ang Modelong Pamayanan

ni Helen V. Diaz

 

Nagmula sa  San Fabian Pangasinan ang magkababata na sina Liza at Lito. Nang makapagtapos sila ng elementarya, si Liza ay lumuwas na ng Maynila kasama ang kanyang pamilya upang doon na ipagpatuloy ang kanyang pag-aaral. Apat na taon na ang nakalipas nang muli siyang dumalaw sa San Fabian. Laking tuwa ni Lito ng ito ay kanyang malaman kaya’t agad siyang tumungo sa kamag-anakan na tinutuluyan ni Liza at magiliw niya itong inanyayahang lumibot sa kanilang pamayanan. Laking gulat ni Liza sa namalas na pagbabago ng kanilang lugar. “Hindi ko inaasahang ganito kaganda, kalinis at kaunlad na ang ating lugar” sambit ni Liza, “ah yan ba, dahil iyan sa mga kabataan dito, kami na ang namamahala pagdating sa kalinisan ng ating pamayanan”ang sagot ni Lito.

“Itong lupa na ating kinatatayuan ngayon ay ibinigay ni Don Fabian para sa mga taga- rito, kuwento ni Lito.  Napakalawak at maraming iba’t ibang tanim may mais at napakaraming  gulay” masayang sambit ni Liza “Oo naman, ang mga kabataan ang nagsipag- tanim niyan, tuwing Sabado at bakasyon diyan kami abala at ang mga ina naman na nasa tahanan  ang tulong-tulong na nagdidilig araw-araw. Ang mga kabinataan ay katuwang naman ng mga ama sa pagtatag ng Bantay bayan at salitan silang rumoronda gabi-gabi upang mapanatili ang kapayapaan sa ating pamayanan.” kwento ni Lito.

“ Tamang-tama Sabado bukas at anihan ng gulay sumama ka sa amin at mag-aani tayo, matapos ang pag-ani ng mga kabataan, ito ay kanilang hahati-hatiin ayon sa pangangailangan ng pamilya at ihahatid sa bawat tahanan” wika ni Lito. Dumating na ang araw ng bukas, masaya silang nag-ani at nagbahay- bahay upang ipamahagi ang inaning gulay.

Panuto: Sagutin ang mga sumusunod na tanong:

 

1.     Ano ang kabutihang dulot  ng pagtutulungan ng tao sa kanilang pamayanan?__________________________________________________________

__________________________________________________________________________________________________________________________________________

_____________________________________________________________________

2.     Paano nakatutulong ang mga kabataan, mga ina, kalalakihan at mga ama upang makamit ang kabutihan sa kanilang pamayanan?______________________________

_______________________________________________________________________________________________________________________________________________________________________________________________________________

3.     Paano ipinakita sa kuwento ang paggalang sa indibidwal, pagkakaroon ng katarungan at kapayapaan?________________________________________________________

_______________________________________________________________________________________________________________________________________________________________________________________________________________